نكت مغربية مضحكة من اجل الترفيه

1-

أحد أصدقائنا كان يفكر فسقطت عليه فكرة فقتلته

2-
كاليك هدا واحد جاتو الورقة باش يخلص الما لقا فيها 5000DH مشى عند صحاب الما كاليهم واقيلا شتا على حسابي هاد العام 

3-
 واحد المسطي سولو صاحبوا امتى كيبدى واحد البرنامج. جاوبوا المسطي : كيبدى مع 2 الجديدة و كيسالي مع 2 القديمة

4-
هادا واحد الزوج قرب يموت و هو يعيط على الزوجة
الزوجة : شكاين ا راجل
الزوج : المرا سمحي ليا و جبدي هاداك صندوق لي لفوق
الزوجة : جبدات صندوق و فتحاتو لقات 3 بيضات و 20 الف درهم (2 million) قالت لو شنو هدا
الزوج : كل مرا كنت كنخونك كنت كنحط بيضة
المرا شافت 55 عام ديال الزواج قالت لو الله يسامحك و هي تقول و الفلوس
الزوج : هدوك غير حيت كتار تما لبيض او بديت كنبيعو

5-
سول الأستاذ واحد التلميد: باش كتحلم؟
قال ليه الدري: كنحلم نشد 10000 درهم ف الشهر بحال الوالد.
قال ليه الأستاذ: علاش باك كيشدهم؟
قال ليه الدري: لا، حتى هو غير كيحلم.

6-
هدا واحد مكلخخخخخخ كايقرا وماعمرو مهز صبعو .واحد مرا قاليه اوستاد وقف نتا.قاليه: واش آنآآ؟ قاليه ايه نتا، رسملو شجرا قاليه قولي شنو هادي قاليه : واش آنا؟قاليه اييه نتا شنو هادي.قاليه : سبورآآ؟ قاليه لا (دارسبعو حدا شجرة) هادي. قاليه صبعك؟ قاليه لآآا (هوا يجبد لعصا وداره فشجرا لرسم) قاليه هآآديييييي. قاليه لخوشبا؟ قاليه وايلا نجحتي اولدي بزق عليا. قاليه واش دابا؟ قاليه نوض خرج عليا. قاليه اوستآآاد ، عدنا عوطلآآآ؟؟؟؟

7-
هادا واحد راجل كايمشي لقهوة مين كيبغي ينوض كايرمي على ڭارسون 50 دريال مسرفة ريالات. ولڭارسون مسكين كيبدا يجمع وعيا، وكايتسنا غير فوقاش يفدي دكشي.واحد نهار عطاليه
100دريال مجموعة. هوا فرح وردلو صرف 50ريال ريالات ورماها. هوا يقوليه دك راجل : زدنيعافاك شقهوة خرا

8-
هادا واحد لبنت كاتسنا شيواحد ايجي يخطبها. واحد نهار جاواحد خينا قاليهوم انا عندي طياير و عندي لمحلات وسوبيرمارشيات ولڤيلات ولفيرمات ولكن كاين ديفو واحد. قاليه باها وامين ديفو واحد ماكاين تا مشكل غير قول قاليه انا كديديب شويا.

9-
 واحد شفار دخل على واحد لمرة شارفة و هو يسرق ليها التلفزيون ملي خرج من دار و هو يشوفها تابعاه و يخاف هي و هرب هي تتجري و هو تيجري هو هارب و هي تابعاه حتى عيا و تقولوا نسيتي طيليكوموند  ا الزين

10-هادي واحد المعلمة قالت لواحد التلميدة: صرفي الفعل مشى في المضارع.
قالت ليها التلميدة بشوية: أنا... أمشي... أنت... تمشي...
قالت ليها المعلمة: طلقي راسك شوية.
قالت ليها التلميدة: أنا أجري، أنت تجري...

من فضلك شارك هذا الموضوع اذا اعجبك

الموضوع من طرف المسيرة العلوة:

المسيرة العلوة ،استاذة التعليم الابتدائي بمدرسةالوحدة بنسركاو مكلفة في موسم 2013/2014 بمدرسة عبد العزيز الماسي بمدينة اكادير الحي المحمدي ،

ضع تعليقا أخي الكريم